شرح تفليش روم سامسونج باستخدام اودين “Odin”

بسم الله الرحمن الرحيم 

شرح تفليش روم سامسونج باستخدام اودين “Odin”
يلا الخطوات كالتالى
1-اول حاجة بتنزل في الكمبيوتر برنامجين برنامج الاودين لتفليش الروم.

2-تاني حاجة بتزل تعريفات اجهزة سامسونج وتثبتها samsung usb http://developer.samsung.com/galaxy/others/android-usb-driver-for-windowsdrivers

3-لازم الشاحن حق التلفون يكون اقل حاجة 80% لي فوق عشان ماتحصل مشاكل

 -4تشوف موديل تلفونك وتنزل ليو الروم الموديل بيكون ورة البطارية
ووتنزل الروم (السفتوير) من الموقع دة https://www.sammobile.com/firmwares/

-تقفل التلفون من زر الباور وتفتح وضع الداونلود تدوس زر الباور وزر الهوم والمفتاح البنقص الصوت
 مع بعض.

6- لامن تدخل لي وضع الداونلود حتلقى مكتوب ليك دوس زر المفتاح البزيد الصوت عشان تستمر

7-شوف ليك وصلة اصليييية تمااام تكون شغالة فل الفل ووصلها مع الكمبيوتر

تفتح الاودين وتوصل التلفون بي وصلة usb طوالي حايظهر معاك يكتب ليك added

بتدوس كلمة pda بعداك بتفتح منها ملف الروم النزلتو من الموقع وتختار الخيارات المعمول ليها علامة صح دي
ُثم تدوس كلمة start عشان يبدا التفليش

لمن تظهر ليك العلامة دي اعرف انو الروم اتفلش خلاص 👍🏽
شغل التفون من جديد ويشتغل معاك زي الباسطة ❤️👍🏽